Në kuadër të Javës së Mirëseardhjes, më 1 tetor 2025, duke filluar nga ora 10:00, në Amfiteatrin e Universitetit, do të mbahet ceremonia qendrore e mirëpritjes për studentët e rinj.

Pas kësaj ceremonie, Fakulteti i Edukimit organizon pritjen solemne për studentët e vitit të parë. Takimi mirëpritës do të zhvillohet në Amfiteatrin e Fakultetit të Edukimit, duke filluar nga ora 12:00.

Ky aktivitet ka për qëllim:

• Njohjen e studentëve me stafin akademik,
• Prezantimin e programeve të studimit,
• Sqarimin e procedurave administrative të fakultetit.

Folësit e takimit orientues:

• asoc. dr. Vedat Bajrami, Dekan i Fakultetit të Edukimit
• ass. dr. Artan Reshani, Shef i Programeve Studimore BA në gjuhën mësimore shqipe
• asoc. dr. Ajka Aljilji, Shefe e Programeve në gjuhën boshnjake
• asoc. dr. Elsev Birna Lopar, Shefe e Programeve në gjuhën turke

Ky aktivitet përbën një mundësi të rëndësishme për studentët e rinj që të njihen nga afër me përbërjen akademike dhe strukturat organizative të Fakultetit të Edukimit. Përmes këtij takimi, synohet ofrimi i informacionit gjithëpërfshirës lidhur me programet studimore, proceset akademike dhe aspektet thelbësore të jetës universitare.

Pjesëmarrja në këtë ngjarje është një hap i rëndësishëm drejt integrimit të suksesshëm në komunitetin universitar. Ju mirëpresim me konsideratë të lartë dhe ju dëshirojmë një fillim të mbarë dhe të suksesshëm në rrugëtimin tuaj akademik.